Khutbah Idul Adha 1438 H (Bahasa Sunda) 

PPS Al-Jawahir (31/0817)

Khutbah Idul Adha 1438 H (Bahasa Sunda)

Khutbah Kahiji

السَّلاَمُ عَلَيْكُمْ وَرَحْمَةُ اللهِ وَبَرَكَاتُهُ

اَللهُ اَكْبَرُ ٩x اَللهُ اَكْبَرُ كَبِيرًا وَالْحَمدُ للهِ كَثِيرًا وَسُبْحَانَ اللهِ بُكْرَةً وَاَصِيلاً. لاَاِلٰهَ اِلاَّاللهُ وَاللهُ اَكْبَرُ اَللهُ اَكْبَرُ وَلِلّٰهِ الْحَمْدُ.

اَلْحَمْدُ لِلّٰهِ الَّذِيْ اَنْعَمَ عَلَيْنَا بِنِعَمِهِ الَّتِى لاَ تُعَدُّ وَلاَ تُحْصٰى . لَهُ مُلْكُ السَّمَوَاتِ وَاْلاَرْضِ وَمَا بَيْنَهُمَا وَمَا تَحْتَ الثَّرٰى.  اَشْهَدُ اَنْ لآاِلَهَ اِلاَّاللهُ وَحْدَهُ لاَشَرِيْكَ لَهُ تَوْحِيْدًا مُتْقَنًا. نَقْتَنِيْهِ لِيَوْمِ الْفَاقَةِ  وَاِنَّهُ لَنِعْمَ الْمُقْتَنَى . مُتَظَاهِرًا عَلَيْهِ الْجِنَانُ وَاللِّسَانُ سِرًّا وَعَلَنًا. وَاَشْهَدُ اَنَّ سَيِّدَنَا مُحَمَّدًا عَبْدُهُ وَرَسُوْلُهُ  اَفْضَلُ مَنْ صَلَّى وَنَحَرَ. وَحَجَّ وَاعْتَمَرَ. وَوَقَفَا بِعَرَفَةَ وَالْمَعْشَرَ . اَللَّهُمَّ صَلِّ وَسَلِّمْ عَلىَ عَبْدِكَ وَرَسُوْلِكَ سَيِّدِنَا مُحَمَّدٍ وَعَلىَ اٰلِهِ وَاَصْحَابِهِ الَّذِيْنَ اَذْهَبَ اللهُ عَنْهُمُ الرِّجْسَ وَطَهَّرَ . لاَاِلَهَ اِلاَّاللهُ وَاللهُ اَكْبَرُ . اَللهُ اَكْبَرُ وَلِلّهَ الْحَمْدُ.

اَمَّا بَعْدُ: فَيَااَ يُّهَا النَّاسِ!! اِتَّقُوااللهَ حَقَّ تُقَاتِهِ وَلاَتَمُوْتُنَّ اِلاَّ وَاَنْتُمْ مُسْلِمُوْنَ.

قَالَ اللهُ تَعَالىٰ فِيْ كِتَابِهِ الْكَرِيْمِ : اَعُوْذُ بِاللهِ مِنَ الشَّيْطَانِ الرَّجِيْمِ. بِسْمِ اللهِ الرَّحْمَنِ الرَّحِيْمِ. اِنَّااَعْطَيْنَاكَ الْكَوْثَرَ. فَصَلِّ لِرَبِّكَ وَانْحَرْ. اِنَّ شَانِئَكَ هُوَ اْلاَبْتَرُ.

Allohuakbar Allohuakbar Allohuakbar walillahilhamd.

Hadirin sidang Idul Adha anu mulya

Puji sinareng syukur urang sanggakeun ka hadrat Alloh Robbul Ghofur, anu masih keneh maparinan kasempatan ka urang sadayana pikeun ngalaksanakeun parentah-Na. Mugia urang sadayana dipaparinan kaistiqomahan dina taat ka Dzat anu nampi tobat.

Shalawat miwah salam mugia dicurahlimpahkeun ka jungjungan urang sadayana, habibana wa Nabiyyana Muhammad SAW anu pangnyongcolangna sa alam marcapada, ka kulawargina tur para sohabatna oge urang salaku umatna mugia saterasna aya dina rohmat sareng magfiroh Alloh SWT.

 

Allohuakbar Allohuakbar Allohuakbar walillahilhamd.

Hadirin sidang idul adha anu mulya

Dina raraga khutbah idul adha ieu Khotib wasiat ka diri pribadi sareng ka sadayana kaum muslimin wal muslimat supados Taqwa ka Alloh SWT. Kalawan taqwa anu saleres-leresna yakni:

اِمْتِثَالُ اَوَامِرِ اللهِ وَاجْتِنَابُ نَوَاهِيْهِ

“Ngalaksanakeun sadaya parentahna nebihan kana sadaya laranganna.”

Saba’dana ngalaksanakeun shalat sunat idul adha dugi ka surup panon poe tanggal 13 Dzulhijjah, disunatkeun meuncit hewan kurban anu dagingna dibagikeun utamina ka fakir miskin.

 

Alloh Ta’ala ngadawuh:

اِنَّااَعْطَيْنَاكَ الْكَوْثَرَ. فَصَلِّ لِرَبِّكَ وَانْحَرْ. اِنَّ شَانِئَكَ هُوَ اْلاَبْتَرُ

“Saestuna Kami geus maparin ni’mat anu kacida lobana ka anjeun. Ku sabab eta anjeun kudu solat jeung kudu kurban karana Pangeran anjeun. Saestuna nu ngewa ka anjeun bakal pegat kahadeannana.”

Dina meuncit kurban urang nyawang kana kajadian rebuan tahun ka pengker, yakni pengorbanan Nabi Ibrohim sinareng putrana nyaeta Nabi Ismail dina raraga ngalaksanakeun parentahan Alloh SWT, Nabi Ibrohim ikhlas tur ridho ngorbankeun putrana dipeuncit ku panangan anjeunna nyalira, nyakitu deui Nabi Ismail pasrah sumerah kalawan ikhlas ngorbankeun nyawana demi turut tumut kana parentahan Alloh SWT. Allohu Akbar, kacida agungna eta pangorbanan anak jeung bapak.

Nalika duanana (Nabi Ibrohim sareng Nabi Ismail) geus pasrah sumerah,  Alloh ngagero ka Nabi Ibrohim : “Wahai Ibrohim anjeun geus ngabenerken eta impenan, saestuna Kami geus ngabales ka jalma–jalma anu migawe kahadean, saestuna eta teh jadi ujian anu nyata, jeung ku Kami ditebus eta Ismail ku gibas anu gede.”

 

Allohuakbar Allohuakbar Allohuakbar walillahilhamd.

Hadirin anu mulya

Pangorbanan Nabi Ibrohim sareng Nabi Ismail ngandung hikmah sareng mangrupikeun hiji perlambang keur sakabeh umat islam, yen sakabeh umat islam dina raraga ngabela sareng nanjeurkeun agama kudu wani berkorban sagala-galana, korban harta, korban waktu, korban tanaga, malahan lamun perlu korban nyawa. Syi’ar islam moal katingali cahayana lamun kaum muslim teu daek berkorban. Rosululloh SAW ngandika:

مَا دَامَتِ التَّضْحِيَةُ فِيْ عَالَمِ اْلاِسْلاَمِ مَفْقُوْدَةً اَوْ ضَعِيْفَةً فَلاَ يُرْجٰى لَهُمْ فَلاَحٌ اَبَدًا

“Salagi pangorbanan di kalangan ummat islam leungit atawa lemah, pasti moal bisa diharepkeun salilana kaunggulannana.”

Meuncit qurban lahiriahna mangrupa sodaqoh daging hewan qurban, tapi hakekatna mah nyaeta marentahkeun ka urang sadayana supaya taqwa, turut tumut kana parentahan Alloh SWT ku mangrupa daek berkorban, sabab lain mangrupa daging atawa getih hewan qurban anu dugi kana karidoan Alloh SWT, tapi kataqwaan urang anu matak ngahontal kana ridona Alloh SWT.

 

Allohuakbar Allohuakbar Allohuakbar walillahilhamd.

Hadirin anu mulya

Kanggo ka sadayana kaum muslimin anu parantos dipilih ku Alloh SWT ngalaksanakeun ibadah haji dina taun ieu urang do’aken mudah-mudahan selamet dina perjalanannana, kenging haji anu mabrur tur mabruroh. Ibadah haji teh diwajibken mung sakali saumur hirup, kadua katilu jeung saterasna mah eta hukumna sunat.

Dina ibadah haji aya sababaraha pelajaran anu bisa dipetik ku urang sadayana, nyaeta ngadidik ka urang supaya taat kana aturan Alloh, rek jalma nu kumaha wae jabatannana, kumaha wae pangkatna, rek profesor atawa lain, teu aya nu protes dititah ngulilingan ka’bah 7 kali nalika thowaf sanajan pasesedek jeung nu sejen, lumpat leutik antara shofa jeng marwah, papanasan di padang arafah, jeung deuih teu aya perbedaan nalika make baju ihrom, rek pejabat atawa lain, sadayana sami sabab nu ngabedakeun di payuneun Alloh mah nyaeta Taqwa.

 

 

Alloh ta’ala parantos ngadawuh:

اِنَّ اَكْرَمَكُمْ عِنْدَ اللهِ اَتْقَاكُمْ

“Saestuna jalma anu mulya di antara aranjeun di payuneun Alloh nyaeta jalma anu pang takqwana di antara aranjeun.”

Dina ngalaksanakeun sa’i nyaeta leumpang ngincid antara shofa jeung marwah tujuh balikan eta ngandung pelajaran napak tilas Siti Hajar, istrina Nabi Ibrohim anu sabar, ulet tur gesit nalika anjeunna jeung orokna yakni Nabi Ismail ditinggalkeun ku Nabi Ibrohim di gurun pasir. Eta Siti Hajar sareng Nabi Ismail ngan dibekelan cai sakedik jeung sabeungkeut korma, ngan cukup keur sababaraha poe. Siti Hajar tetep mantep ngabelaan Nabi Ismail neangan cai bulak balik ti bukit shofa ka bukit marwah nepi ka tujuh balik bari ngadoa ka Alloh. Akhirna do’a Siti Hajar diijabah ku Alloh SWT, teu jauh ti tempat Nabi Ismail kaluar cai ti jero taneuh anu ayeuna katelah ku ngaran cai zam-zam.

 

Allohuakbar Allohuakbar Allohuakbar walillahilhamd.

Hadirin anu mulya

Tina eta kisah janten pelajaran kanggo urang sadayana yen salaku istri anu ditinggalkeun berjuang ku carogena kudu daek sabar, tawakal, tur berjuang sarta berkorban keur ngahontal kana rido Alloh SWT.

Sarengsena idul adha hayu urang sami-sami ngaronjatkeun sumanget ngajalankeun ibadah, kalawan daek berkorban di jalan Alloh SWT. Mudah-mudahan urang sadayana dipaparinan taufik sareng hidayah ku Alloh SWT sangkan tiasa istiqomah dina ibadah. Amin Ya Robbal Alamin.

بَارَكَ اللهُ لِيْ وَلَكُمْ بِالْاٰيَاتِ وَالذِّكْرِ الْحَكِيْمِ وَتَقَبَّلَ مِنِّيْ وَمِنْكُمْ تِلاَوَتَهُ اِنَّهُ هُوَ السَّمِيْعُ الْعَلِيْمُ.


 

Khutbah Kadua

اللهُ اَكْبَرُ ٧x اللهُ اَكْبَرْ كَبِيْرًا وَاْلحَمْدُ للهِ كَثِيْرًا وَسُبْحَانَ الله بُكْرَةً وَ أَصْيْلاً لاَ اِلَهَ اِلاَّ اللهُ وَاللهُ اَكْبَرْ اللهُ اَكْبَرْ وَلِلّٰهِ اْلحَمْدُ.

اَلْحَمْدُ للهِ عَلىَ اِحْسَانِهِ وَالشُّكْرُ لَهُ عَلىَ تَوْفِيْقِهِ وَامْتِنَانِهِ. اَشْهَدُ اَنْ لاَ اِلَهَ اِلاَّ اللهُ وَحْدَهُ لاَ شَرِيْكَ لَهُ. وَاَشْهَدُ اَنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِيْ اِلىَ رِضْوَانِهِ. اللهُمَّ صَلِّ عَلَى سَيِّدِنَا مُحَمَّدٍ وَعَلَى اَلِهِ وَاَصْحَابِهِ وَسَلِّمْ.

اَمَّا بَعْدُ: فَياَاَيُّهَا النَّاسُ!!! اِتَّقُوااللهَ فِيْمَا اَمَرَ وَانْتَهُوْا عَمَّا نَهَى. وَاعْلَمُوْا اَنَّ اللهَ اَمَرَكُمْ بِاَمْرٍ بَدَأَ فِيْهِ بِنَفْسِهِ. وَثَـنّٰى بِمَلآئِكَتِهِ الْمُسَبِّحَةِ بِقُدْسِهِ. وَقَالَ تَعاَلَى اِنَّ اللهَ وَمَلآئِكَتَهُ يُصَلُّوْنَ عَلىَ النَّبِى, يآاَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اللّٰهُمَّ صَلِّ عَلَى سَيِّدِنَا مُحَمَّدٍ صَلَّى اللهُ عَلَيْهِ وَسَلَّمَ وَعَلَى آلِ سَيِّدِناَ مُحَمَّدٍ وَعَلَى الاَنْبِيآءِ وَالرُسُلِ وَالْمَلآئِكَةِ اْلمُقَرَّبِيْنَ. اَللهُمَّ اغْفِرْ لِلْمُسْلِمِيْنَ وَاْلمُسْلِمَاتِ وَالْمُؤْمِنِيْنَ وَاْلمُؤْمِنَاتِ اَلاَحْيآءِ مِنْهُمْ وَاْلاَمْوَاتِ. اللهُمَّ اَعِزَّ اْلاِسْلاَمَ وَاْلمُسْلِمِيْنَ, وَأَذِلَّ الشِّرْكَ وَاْلمُشْرِكِيْنَ, وَانْصُرْ عِبَادَكَ اْلمُوَحِّدِينَ, وَانْصُرْ مَنْ نَصَرَ الدِّيْنَ, وَاخْذُلْ مَنْ خَذَلَ اْلمُسْلِمِيْنَ, وَ دَمِّرْ اَعْدَاءَ الدِّيْنِ وَاعْلِ بِكَلِمَاتِكَ اِلَى يَوْمِ الدِّيْنِ. اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَسُوْءَ اْلفِتْنَةِ وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا خَاصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ. رَبَّنَا آتِناَ فِي الدُّنْيَا حَسَنَةً وَفِي اْلآخِرَةِ حَسَنَةً وَقِنَا عَذَابَ النَّارِ. رَبَّنَا ظَلَمْنَا اَنْفُسَنَا وَاِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ.

عِبَادَاللهِ ! اِنَّ اللهَ يَأْمُرُكُمْ بِاْلعَدْلِ وَاْلاِحْسَانِ. وَإِيْتآءِ ذِى اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي. يَعِظُكُمْ لَعَلَّكُمْ تَذكَّرُوْنَ. وَاذْكُرُوا االلهَ اْلعَظِيْمَ يَذْكُرْكُمْ. وَاشْكُرُوْهُ عَلىَ نِعَمِهِ يَزِدْكُمْ. وَلَذِكْرُ اللهِ اَكْبَرْ. اَسْتَغْفِرُ اللهَ لِيْ وَلَكُمْ.

وَالسَّلاَمُ عَلَيْكُمْ وَرَحْمَةُ اللهِ وَبَرَكَاتُهُ

 

 

Leave a Reply

Your email address will not be published. Required fields are marked *

5 − 3 =